قصيدة كتبهااا فزاع عن المغفور له الشيخ زايد الله يرحمة ..يوم كان فـ غرفة الانعاش

بسم الله الرحمن الرحيم

حبيت اقدم لكم قصيدة فزاع الي كتبها عن المغفور له الشيخ زايد الله يرحمة

العذر يابوي لو ماشلني ساقي...
الحزن ما طاقني والقلب ما طاقه ..
ياعيني ابكي وساعدها يا خفاقي ..
ما هوب بعيبٍ يفيض الدمع ف احداقه ..
يا موحد الدار .. يالمتفرد الراقي ..
والغيم حزنٍ جذب الاحساس براقه ..
اشوف كن النهار يحدر احداقي ..
واشراقته ما تشابه أية اشراقه ..
ومن يعذل القلب عن ضيقته لا ضاقي ..
انسان مشكوك في مذهبه واخلاقه ..
ياحاكم الارض و أول وآخر اشواقي ..
يفداك قلبٍ حزن فرقاك ما ذاقه ..
في غيابك الناس ماتت وانته الباقي..
لأنك الغالي اللي يذبح فراقه ..
يبكيك من يغرس النخله على الساقي..
يبكيك راعي الشداد وراعي الناقه ..
والطيب والجود والعزه والاخلاقي..
والارض وترابها والبحر واعماقه ..
شيخٍ مقامه سكن ما بين الاعماقي ..
حتى الزمن من محبينه وعشاقه..

دمتم بخير وعافيه

صح لسان الشيخ حمدان بن محمد فزاع

شيخ دائما مميز بمواقفه واشعاره

الله يحفظه ويطول في عمره

ويعطيج العافيه على هذا الموضوع المميز

وانتي دائما مواضيعج مميزه