موسوعـــة أشعار الشيخ زايد رحمه الله

هِـبوب الوَرد والفِلّي
يا هِبوب الوَرد والفِلّي .... مِطْلِعٍ قاصِد مـن اديَـاري
مرحِبَا بِك عَدّ ما أِنْهَلِّي .... مِالسِّحِب غَيثٍ او ما ياري
او مَرحَبِا مَليون بالخِلّي .... الغِضي لي لِه انـا داري
لَي حِديثِه إلْيِه ايسلّي .... اوْ مِنْ أَشُوْفَه إتزول لكْداري
هُوْ دِوَا لنَّفْس مِ العِلّي .... هَوحِياتي او جَنّتي أو ناري
الوِزير إيصيح ويهِلّي .... دَمعْ عينه سايِلْ أو iيـاري
يِشتِكي من كامِل الدِّلّي .... من وليفهِ لَي خِفى أوْ ذَارِي
عابرٍ في مِحْمَلْ إْبشَلّيِ .... خَاطِـفْ اّبنـاي وِيْمَـاري
سَنِّةٍ وِاْشَراعَه إِمَّلِّي .... موُيتـه فـي بْـردِه إتبـاري
يالخِويْ كانِك تِبيَ اَلْخِلّيَ .... جَـرِّب البَنّـايْ للجَـاري
واقْصِد اْلَمضنُون وإدَّلّي .... خَابِرنّكِ فَطِنْ في الـدّاري
اوْلَيْ شَراتِك نَبْه ما إيْزِلّي .... لو ظَلامْ اللَّيْل غَـدَّاري
لَي لَفَيتِه زاهِي الحِلّي .... لي ايْرَحِّبْ لَيْـل وِانْهَـارِي
با يْرَحِّبْ بِك او بَيهَلِّي .... با إتحِسّْ ابْرَاحَـتْ أفكـارِي
مِثل ما انْتِه كِنت مِعْتَلّي .... بِه وِزا مِنِّك اُوْلُوْ ايْـدَاري
فَرْحِتِك با تَفِرِحْ اْلَكِلّي .... بينِكُمَ يَـا مَانِـع أسْـرارايِ
............
حَيِّ بُجوابٍ رايع
حيّ بْجوابٍ مِنْك رايع.... يا ذا الخوي لَيْ لك معي قَـدّ
شاعِرْ أوجيلك به نوايع.... في اْلفَنّْ مالِكْ عندنـا حَـدّ
واللّي شرات الْفِلّْ فايع.... تِكْبَر فَرِحْتِـه يـومْ بَتْـرِدّ
غِضّ الِصّبا حلو الِشّوايع.... ياضي شَرى القنديل وازْيَدْ
ما تْلام لَيْ لِهْ صِرْت طايع.... إكْتِمْ وداده واحْفِظ السّـدّْ
حِظَيتْ به زين الطّبايع؟.... عسَاك في لاَمَـاهْ تِسْعَـدْ
ساير مَعَا ذَرْب الرّوايع.... وِقْرومٍ إلْهُـمْ نَـبّْ مِبْعِـد
لي صَيْتِهُمْ بّيِنْ أوذايع.... والنّاس كِلْهَا لْهُـمْ بتشهـد
الحبّ في كِلّْ الشّرايع.... منصوصْ بـه ذِكـرٍ امْوكَّـد
والنّاس له شاري أوبايع.... وحٍَدّ صِدِيْر أو حَدّْ يُـورِد
واللّي غدا مِبْعِدْ أونايع.... الشّوق بـه مَلْـزُومْ يِشَتَـدّ
...............
يعِلك له الكسْباني
حَيّ ابجِوابٍ يَاني... مِنَ مَشغـوبٍ سِليـبْ
يللّيِ مِن الخِلاّني... يَشكـو حَـرَّة لَهيـبْ
مِتْصَوِّبْ أوْ وَلْهَاني... مِن صَدَّاتْ الحَبيـبْ
والّلي بِه مُولِعاَني.. يَا مَانَـعْ أوْ صُويـبْ
يعِلك لِه الكَسْبَاني... اوْ تحِضا بهِ عَن قريبْ
...............
حـيّ جـيلٍ يـا بِلَمْثَالي
حيّ جيلٍ يا بِلَمْثَالي .... عند شهمٍ شَخَّـصْ أوصوفَـه
طرّزه اوْ عنّاه في الحالي.... من ذَهَبْ وِمْزيِّن حْروفَه
بان ليِ فِي فَسْره أمْسَالي.... لِلْهِوىَ اوْ مَعْناه وِصْرُوفَه
الغشيم ايتابع الّلالِـي.... يقصـده وِيْوَاجِـهْ احْسُوْفَـه
والخبير إيْجِسّ لحوالي.... قَبلْ لا يعنـي لَهَـا ابْلوفَـه
ما يِبِدِّه صُوعْ وأهْوَالِي.... يِفْهَمْ الواقع مـن ايشوفـه
الملامح تَلْفِتْ البالـي .... لِلنِّبِيْـه اْتكـون معروفَـه
ايْشَخِّصْ الأَشْيَا ولا يْسَالي.... حَذِر عن لا تِلْحَقَه حُوْفَه
لِلْمَحَبِّة طِرْقٍ اطْوالي.... عَدْلـةٍ والبعـض مَحْرُوفَـهْ
تقصد اَلاْشَواقْ جِهّالي .... طامِسْ الاعلامْ مَـا تْلُوفَـه
لو اتْجِدّ أوتْبغي اتْنالـي .... لَغْلِبّيِـه إِتْخَسِـر شُوْفَـه
للمودّة وَصِفْ ينقالي.... مَا يْغَتِر عَـارِفْ وَلاَ ايْطُوفْـه
بشّةٍ من خاطر الغالي .... تنبني الغالين مَـا صُوفَـه
الهوى ما فيه مِتْعَالي .... بيـن لِمْحِبِّيـن مَنْصُوفَـه
................
برخص الغالي على شانك
مرحبـا مليـار بقبالـك ... يا سفر داري و الاوطاني
يا سعـادة من لفى دارك ... إلانالـي بـي الوزا باني
برخص الغالي على شانك ... لا تخلي حاليــه حانـي
خذنيه بالروف و احسانك ... و انصفينيه منك بوزاني
إسلبتني نظـرة اعيانـك ... و حت نومي ذار ما جاني
هـان ربي كل من هانك ... يا بصيري و مقلة اعياني
عز لي صـورك باحسانك ... فرد مالـك واحـد ثاني
بالجمـال و منطق لسانك ... صورك مـن حور لجناني
يك والجيون بهـا صانك ... والمباسـم ورد والـواني
................
يا خفيف الروح
يا خفيف الروح كيف انتوا يا شفا قلبي من اعواقه
ارحمـوني لـو تكرمتـوا بالوصل وانا من اشفاقه
مـر وقـت لي ولا بنتوا انتظر مـن طول افراقه
ارحموا ذا الروح لا هنتوا لي لكـم بالشوق تواقه
ما زهالي وقـت لو منتوا انت سعد القلب واشراقه
انتـوا اللي بي تملكتـوا بالرضا والطيب واخلاقه
ارحموا مـن به تحكمتوا مـن جفاه النوم ماذاقه
في سويدا القلب شيدتوا منزل ماحـد قـد فاقـه
بخفي اما بي اذا عدتوا لا يشيع السـد واشواقه
الصواب اللي بيه صبتوا عالجـوها النفس معتاقه
غاية امنايه اذا جدتـوا بعدكـم لي نـار حراقه
................

إبسم
إبسـم عسى تبسـم حياتــك يا قايـد الخفـرات والعيـن
عطاك ربـي لـك غناتك واصبحـت سيد في المزايين
هنيت يا سيـدي بصفاتك وانا غني بك " م " الملايين
كل يوم بي تكبـر غلاتك والقـاك دوم بعينـي تـزين
من بالحسن سيدي شراتك مثلـك فـلا قـد شافت العين
الشمس تخجل من بهاتك والبـدر لـك يا نـواره يدين
مثل العسل منطق شفاتك ذرب .. ومـوزون بمـوازين
والطيب من أصلك وذاتك اواضـح ولا يحتـاج تبييـن
.............
ان هويتونا هويناكم
ان هويتـونـا هوينـاكم وبنتصبـر لـي جفيتونا
ما عرفنـا اليـاس وياكم ويـن بتسيـرون تلقـونا
مستحيـل إن كان ننساكم لـو تقصدتـوا تهجرونا
نهجـر الدنيــا بليـاكم دونكـم عمري فلا يكونا
نرخص الغالـي العينـاكم وكـل صعب إلكم يهونا
في الصحا والنوم ننصاكم لا تسدوا الـدرب من دونا
وفي الحشا والقلب سكناكم امشيدات اقصور وحصونا
نـور يـا مـن محيـاكم مثل نور الصبح في الكونا
انفـردتوا في سجايـاكم نادريـن الحسن واللـونا
لـو حسبنـاهـا مزاياكم يوصـل التعـداد مليـونا
شاف شرع الحب دعواكم والهوى له شرع مضمونا
عادل لـو كـان يـدراكم يالغضي لـي دوم مزبونا
وان طلبتونـا عطينـاكم وبا انزيـد الكـم اوزونا
لو اخذتوا الـزود يفداكم حبنـا متـوازن اركـونا
.............
هلا بنور الفجر
هلا بنور الفجر زاح الظلامي هلا بـه ألف ترحيبـه وحيـه
هلا به عد مـزن في غمامي وما هبـت نسيـم المطلعيـه
أقـدم له تحيـات وسلامـي جـواب يوم بـادر بالتحيـه
فهيم ويفهم الـ معنى كلامي لبيب العـود لفتاتـه ذكيـه
مهاه إيتـم إنسي وانسجامي بدونه حالتـي حالـه شقيـه
وحبي لـه تسبب في غرامي أنا راضي ونفسي له هديـه
تملكنـي وملكنـي بالزمامي و انا سلمت له بنفس رضيه
فـلا والله لـي مثلي يلامي و فعل الخيـر مايجزى بسيه
رعـاك الله يا ظبـي العدامي أميـر والغوانـي لـك رعيه
جديـر بكل حبي واحتـرامي و يكفيني متى ترضى عليـه
.............
الـــــزيــــــن
الزّين هذا حلـو ٍ وْ زيـن خصّه يلـي لبْـس القلايـد
فتّان يسبي القلـب والعيـن فيه الحسِن والزّيـن زايـد
ما شفت انا في وصفه اثنين ترف الصّبا غضّ النّهايـد
من وين هذا الرّيم من وين لي صـار للغـزلان قايـد
مفنود عن كـل المزاييـن نوره لنور الشمـس عايـد
في مبسمـه درّ ٍ مثاميـن يـكٍ ودانــات فـرايـد
عوده اذا هبّ الهوى يليـن فـارع وميّـاس ٍ ونـايـد
تحلا به الاوصاف واتزين واتزين به حتّـى القصايـد
..............
إن لــــــــــــــذع
إن لذع بالطّرف لي مكسي ابدعايا""والهدب زافـات ياللـي مظلّلنّـه
والحشا منهـوب ونهـوده نفايـا"" فايعات ٍ فوق صـدره يزهّينّـه
وان تبسّم و اوضحن ذيك الثّنايـا""كنّهـن در وْ حصابـي منقيـنّـه
والمعنّق عنق خشـف ٍ (م) المهايـا""واليدايـل فـوق ردفـه يكسينّـه
والخدود بروق مزن ٍ في السّمايـا""يبرقن وسـط الظّـلام وينورنّـه
ما خلق مثله وبـيّ فـي البرايـا""جـلّ ياللـي صـوّره ومكمّلنّـه
لدّنـي حبّـه أنـا لـدّ الظّمايـا""مبعـدات وردهـن مـا يلحقنّـه
يعل يفرح بالسّعد هـو والهنايـا""لو يوزّينـي أنـا مـب لايمنّـه
............
دِنيا مَحْلاَ وطِرْهـا
دنيا محلا وطرهـا فيها زهـت لنـوار
كِثَر الخير وْ شجَره اوتوفّـرت لثـمـار
ياها السعد وْ غمرها من والـي الاقـدار
عمّ البر وْ بَحرْهـا و فاضَت بها لنهَار
تِتوافـدْ لْقطِـرْهـا عالم مـن الـزوّار
تتفسّح في شجَرهـا و اوْرودها وْ لزْهار
فيها المها مكثَرهـا و ارْيومها وْ لمْهار
يا سعْد اللي نظرْها وِ اتحِفّ به الاسْرار
نحمِد لِذي صَوَّرْهـا و اوْهب لَها لخْيَـار
و عَظّمْها في قدرْها إِبجـاه ٍ وِاعْتـبَـار
يتبع

مـرحـبـا مـلـيــار
مرحبـا مليـار بقبالـك يا سفر داري و الاوطاني
يا سعادة من لفـى دارك إلانالي بي الـوزا بانـي
برخص الغالي على شانك لا تخلـي حاليـه حانـي
خذنيه بالروف و احسانك و انصفنيه منك بوزانـي
إسلبتني نظـرة اعيانـك و حت نومي ذار ما جاني
هان ربي كل من هانـك يا بصيري و مقلة اعياني
عز لي صورك باحسانك فرد مالـك واحـد ثانـي
بالجمال و منطق لسانـك صورك من حور لجناني
يك والجيون بها صانـك والمباسـم ورد والوانـي
..............
الله عطانـــــــا
الله عطانا خير وأنعام ... والحمد له واجب علينا
ياللي عطاني ايمان والهام .... ومن فضله الظافي عطينا
واليوم صارت جنة أحلام .... تزخر بفل وياسمينا
ودام الوطن تخطيط وانغام .... زان وتزخرف وبه بهينا
دولة تطور عز واسلام .... بين الامم دولة بنينا
والشعب متهني بالانعام .... ومرتاح في هذي السنينا
هذي جهود اعوام واعوام ... نسعى لمجد له عنينا
شامخ وفيهه ترف الاعلام ... ونسعى لصلح المسلمينا
ننبذ لذي واشي ونمام .... ونترك كلام الواشييننا
الله عطانا خير وانعام .... والحمد له واجب علينا
ياللي عطاني ايمان والهام ... ومن فضله الظافي عطينا
............
مشغوب
مـشـغـوب مـنــك ومشـغـلـنـي ... . ياالسولـعـي يـاأريـش الـعـيـن
مــا حــد انــا غـيــرك فـتـنـي ... . فـي الخـود يـا سيـد المزاييـن
نـظــرات عـيـنــك صـوبـنــي ... . بألحاظهن واصطبت في الحين
و آزمـت مـن مـا بــي أغـنـي ... . بالحـب لـك يـا لغـالـي سنـيـن
حـزت الحسـن مـن كــل فـنـي ... . يا كامل في الوصـف و الزيـن
غـض غضيـض صغيـر سنـي ... . تكبـر و كـل مـا تكـبـر اتـزيـن
ماخـلـق فــي الـغـيـد الـدمـنـي ... . مثلـك ولا قـد خلـق فـي العيـن
لـــك يــــادل كـالـلـيـل جــنــي ... . طايـح علـى الأمتـان رظفـيـن
و الـجـيــد بـاطـيــاب يـبــنــي ... . و الـصـدر بــه رمــان و تـيـن
والـعـود مــن شـافــه يـظـنـي ... . امـن الخصـر مقسـوم نصـيـن
...........
حبك ملك قلبي
انا ما سعـدت بطيب وقتي ولا حسيت
إلا بوجـودك شفـت وقتـي ولـذاته
لك موقـع في داخـل القلب به حطيت
حبـك ملـك قلبـي تحكـم بنبضاته
لا شفت انا شرواك ولا اتصور ولا ريت
مثل الحيا تضفي على الآرض بهجاته
ربي عطـاك اخـلاق اتميزك واحظيت
حتى جميـل الخود تشهد لك اصواته
شروى القمـر فـوق الكواكب تعليت
كل شهـد في حكمة الخالق وقدراته
انت الجميـل المميـز لي بـه تعنيت
اللي أسرنـي بطيب اخـلاق عاداته
يا هايف الخصريـن يا منـور بالبيت
يا جيـد ريـم نافـل عـن مثيلاته
وعيـون حـور تحيي بهـا وتميـت
نظرتـك تشفي صويـب منك ويعاته
إرحم رحمـك الله لو ريتني تشافيت
قربـك يزيـح العـوق مني وليعاته
ارجوك واترجـاك تضفي علي بصيت
ويمنـاي له في لمس يمناك راحاته
لولا خيالـك في منامـي فلا غضيت
يا منـوة المقصود في غاية اوقاته
انته طبيب النفس وانـا لـك تعنيت
تعلم بمـا في القلب وتعرف خصاته
............